საზოგადოებრივი ორგანიზაცია „საქართველოს დაუნის სინდრომის ასოციაცია“ დაფუძნდა ლიდერი მშობლებისა და დაუნის სინდრომის მქონე ზრდასრულის მიერ 2017 წლის 16 იანვარს.

ასოციაციის ხედვაა დაუნის სინდრომის მქონე ადამიანი ცხოვრობდეს ღირსეულ, თანაბარუფლებიან გარემოში, სადაც მისი შესაძლებლობები აღიარებული და რეალიზებულია.

ასოციაციის მისიაა ადამიანს დაუნის სინდრომით შეუქმნას თანაბარ უფლებებზე დაფუძნებული, ღირსეული გარემო. ასოციაცია მუდმივად ცდილობს უზრუნველყოს დაუნის სინდრომის მქონე ადამიანების სრულყოფილი ჩართვა და მონაწილეობა საზოგადოებრივ ცხოვრებაში - მათი ოჯახების გაძლიერებით, საჭიროებებზე მორგებული მომსახურებების ადვოკატირებით, დამოუკიდებელი ცხოვრების მხარდაჭერითა და საზოგადოების ცნობიერების ამაღლების გზით. საქართველოს დაუნის სინდრომის ასოციაცია აღიარებს თანასწორუფლებიანობის პრინციპს და საერთაშორისო ორგანიზაციების მიერ აღიარებულ ადამიანის უფლებებს, პატივს სცემს პიროვნების ინდივიდუალურობასა და უნიკალურობას.